التسجيل في منتديات جوريات مفتوح ومجاني, ولي لايتم ايقاف عضويتك في المنتدى اقرأ ضوابط وأنظمة التسجيل التالية

 - الإلتزام بالأدب مع المذاهب والأديان الأخرى .. ماعندنا نظام انت شيعي ولا سني.. حنا مشاركتنا للفائدة والمتعة .. واي موضوع يتعرض للمذاهب الأخرى بيغلق فوراً

- إذا عند شكوى على عضو معين او عضو مسوي لك قلق .. نزل موضوع بقسم الأعضاء او راسل المشرف العام وابشر بسعدك

- يمنع وضع اقتراحات أو شكوى ضد مشرف علناً .. واذا عندك شي راسل الأدارة.

- اكره شي عندي.. يجي العضو يسجل عشان يسوي دعوات لمنتدى اخر.. اللي اشوفه يحربش بالخاص ويسوي دعوات لمنتديات ثانية .. على طول ايقاف

على فكرة .. الرسائل الخاصة مراقبة من قبل الإدارة .. اقولكم الحين ابراء للذمة

 - شباب وبنات جوريات محترمين .. ولا نقبل بأي عضو جاي يسجل عشان يتميلح ويوزع ايميلة بالخاص.. لذا اي عضو يعرض ايميله بالخاص يقول لفلانه ضيفيني ومن الحركات هذي.. راح يتم تنبيهه بالمرة الأولى .. والمرة الثانيه بيقضب باب المنتدى .

 أما العضو اللي يرقم بالخاص ههههههه .. هل على طول تشويت برى المنتدى مع التشهير بأسمه .

 - التوقيع لازم يكون حجمه مناسب.. موب كبير قريح ويسوي زحمة في التصفح

 - الأغاني عندنا ممنوع .. محنا ناقصين ذنوب عشان نتحمل ذنبوكم

 - يمنع وضع الأيميل او صورتك الشخصية .. المنتدى ماهو فيس بوك او نت لوق عشان تتميلح فيه.. ويكتفى وضع الأيميل بالملف الشخصي.

 - يمنع منعاً باتاَ التدخل في شؤون ادارة المنتدى , والادارة لها كامل الصلاحيات في حذف او تعديل او اغلاق أي موضوع بدون ذكر الأسباب

 - اسمك اللي سجلت فيه لازم يكون اسم لائق .. ويمنع التسجيل بحروف مبهمة أو أرقام .