خطوات عمل ( تصميم : الصمت أبلغ )
السلام عليكم ورحمة الله وبركاته
حيّاكم الله ويا هلا ومسهلا
بدون مقدمات هالموضوع فيه خطوات العمل اللي قمت فيها بتصميم ( الصمت أبلغ )
وسويته بناءاً على طلب الاخت مودي بموضوعها وحمسني أكثر أخوي الغالي قالت أحبك 
ضروري تتابعون الكلام اللي تحت الصور .. لإني مفصّل أكثر بالكلام
--
في البداية ياليت تحملون الملف المضغوط هذا 
لإن فيه اشياء راح يتطلبها العمل 
هـنـا
وبسم الله نبدأ 
نفتح عمل جديد بمقاس 782 × 482
ثم نلوّن اللير الاساسي باللون الرمادي
وهذا كود اللون E2E2E2 #
وطريقة وضع الكود هي: الضغط على مربع اللون الموجود في قائمة الادوات وتفتح لنا صفحة الالوان موجود بأسفلها مربع موجود فيه كود اللون المختار وأمامه علامة #
بعد ما نلوّن مساحة التصميم نضغط على زر ( D ) حتى يتغير مربعين الالوان للأسود والأبيض ..
ثم نقوم برسم مستطيل من قائمة الاشكال بهذي الطريقة
بعد ما نرسمه نميّله شوي ونرفعه فوق .. ثم نسوي له مضاعفه عن طريق ctrl+j وننزل اللير الثاني لأسفل مساحة التصميم بالضغط على السهم المتجّه لأسفل في الكيبورد بحيث يكونون متقابلين من الأعلى والأسفل
بعد ذلك نطبّق على الشكلين فلتر تقطيع الحد
ملاحظه:
اذا ضغطتوا على زر الفلتر بتطلع لكم هالرسالة
اضغطوا موافق .. وهي تعني تنقيط الشفيفة وتحويلها للبكسل بعد ما كانت بالفيكتور.
وفيه طريقة ثانية لتنقيط الشفيفة وهي كذا
طبعاً نرجع لكلامنا الأول .. نطبّق فلتر تقطيع الحد
Filter >> Brush Strokes >> Sprayed Strokes
ونختار القيمة المحددهـ بالشكل
بعد ما نطبّق الفلتر على الشكلين نغيّر المود للشكلين الى Color Burn
(( بعد هالخطوهـ بتتضح لكم ملامح التصميم  ))
ثم نفتح ( الخامه 1 ) المرفقه بالملف المضغوط
ونضعها فوق الليرين بهذا الشكل ونغيّر المود إلى Color Burn
ثم نضاعف لير ( الخامه 1 ) ونغيّر المود إلى Hard Light
بعد ذلك نقوم برسم مستطيل صغير بحواف ناعمه كما في الشكل
ثم نفتح الصورهـ المرفقة بالملف المضغوط أو اي صورهـ من اختياركم
وضروري تكون فوق لير المستطيل الصغير .. بعد ما نعدلها بالقص والتصغير نضغط ctrl+g
وتلقائياً بتكون الصورهـ داخله حدود المستطيل الصغير
ثم نضاعف لير الصورهـ الأخيرهـ بالضغط على ctrl+j ونغيّر المود إلى Soft Light
بعد ذلك يبقى تزيين الصورهـ بوضع زخارف أو غيرها على حواف الصورهـ مثل ما وضعت انا بالتصميم .. وأرفقت في الملف المضغوط ملفين للزخارف .. بإمكانكم تقطعونها وتركبونها على بعض مثل ما سويت انا بس تراها متعبه شوي وطبعاً كلّن وذوقه في اختيار الزخارف
بعد كذا نفتح ( الخامه 2 ) والمرفقه بالملف المضغوط ونضعها أعلى الليرات .. ضروري يكون مكانها بأعلى الليرات
ونغيّر المود إلى Color Burn
ثم نضغط على Ctrl+Alt+U ونضع قيمة الألوان كما هو موضّح بالصورهـ
بعد ذلك نختار الممحاهـ ( مع التأكد ان لير ( الخامه 2 ) هو المفعّل ) ونقوم بالمسح على الصورهـ اللي بداخل المستطيل الصغير عشان توضح أكثر
وبعد ما نمسح على اطراف الصورهـ نغيّر الـ Opacity للممحاهـ ونجعل القيمة 50% كما هو موضّح بالصورهـ
ونقوم بالمسح على المساحه اللي بين الاطارين اللي فوق والاطار الثالث على جنب
توضيح أكثر
القيم هنا اقصد بها قيمة الـ Opacity اللي موضّحها بالصورهـ فوق
طبعاً خلاص بعد هالخطوهـ التصميم صار قدامكم
والباقي اللي هو اضافة الخط فأمرهـ سهل جداً .. واذا تبون يكون عليها نفس التأثير اللي بالتصميم فكل اللي عليكم هو الكتابة باللون الأسود ثم تغيير مود لير الخط إلى Overlay بعد ذلك ضاعفوا لير الخط بالضغط على Ctrl+j مرات عديدهـ لمّا توصلون للنتيجة المطلوبة
شفتوا ان المسألة سهله وما يبي لها شي
هـنا التصمـيم
--
* أضفت ملف مفتوح لكلمة الـصمت بالملف المضغوط للي حاب يستخدمها
أتمنى اني اكون وفقّت في الشرح بشكل مبسّط للجميع
نقل الموضوع مسموح بشرط ذكر المصدر
اي سؤال أو اي نقطة مو مفهومة لا أحد يتردد أبد .. تحت الخدمه بأي وقت
دمتم بوٍد
..
|