السلام عليهم :قلب:

كيفكم والصيام :خخخخ: ؟ فيه أحد بينتصف به الشهر ماحس فيه مثلي ؟
مالكم بالطويله وكالعادة الفشل في المقدمه :خخخ:
كثير يتسائلون وشو هالتويتر من لحية ؟ وشوله ؟
هو شبكه اجتماعيه زي الفيس بوك / التمبلر / الخ الخ من الشبكات اللي انتشرت مؤخراً ..
بـ رؤيه فلسفيه :خخخ: /

هو موقع شبكات اجتماعية يقدم خدمة تدوين مصغر والتي تسمح لمستخدميه بإرسال تحديثات Tweets عن حالتهم بحد أقصى 140 حرف للرسالة الواحدة. وذلك مباشرة عن طريق موقع تويتر أو عن طريق إرسال رسالة نصية قصيرة SMS أو برامج المحادثة الفورية أو التطبيقات التي يقدمها المطورون مثل الفيس بوك و TwitBird و Twitterrific و Twhirl و twitterfox.

و تظهر تلك التحديثات في صفحة المستخدم ويمكن للأصدقاء قراءتها مباشرة من صفحتهم الرئيسية أو زيارة ملف المستخدم الشخصي .
* تويتر على الويكبيديا

وكثير سجلوا ونسوا الباسوورد .. لأنهم ماعرفوا له :خخخ:
مع اني احسه واضح جداً :متردد: بس يالله هذا شرح لعيونهم :هع:

أولاً ندخل على هالصفحه : http://twitter.com/
ع اليمين نلقى هالشيء :

نضغط عليه وتجينا صفحه نعبيها كما في الصوره التاليه :

الحين مبروك صار لك حساب بالتويتر :وااو:
الحين نزين ملفنا الشخصي :
من فوق نضغط على setting

اذا تبي ملفك يكون مقفل .. محد يشوف تدويناتك إلا بعد اذنك :P
نسوي كما في الصوره :

لتعديل البيانات الشخصيه :

لتعديل على شكل الملف الشخصي :

فيه أشكال جاهزه من الموقع تقدر تختار اللي تبي
واذا تبي تعدل عليها على حسب ذوقك .. اتبع الطريقه التاليه :خخخخ:

فيه كلمتين تحت الاشكال .. نختار هالكلمه :

بيطلع لك دايركت : استعراض او اختيار ملف .. بس لأني مختارة الخلفيه فطلعت الخلفيه حقتي :P

نختار الصوره اللي نبي ونحفظ الشغل ..

الحين نبي نعدل على الالوان عشان تناسب الخلفيه ..
نفس المكان اللي اخترنا منه الخلفيه :

بيطلع لنا الوان زي كذا :

نختار الالوان اللي نبي ونحفظ شغلنا

الحين زينا الشكل .. ننتقل لشيء آخر كيف اسوي تتبع أو follow ..
ندخل ملف الشخص المراد تتبعه .. بأعلى الصفحه نلقى كلمة follow نضغط عليها وبس :يقرأ:

الحين سوينا تتبع .. كيف الناس يشوفوني وكيف اشوف الناس :خخخخ: ؟
نضغط على الهوم من فوق :

بنشوف تدوينات اللي اتبعانهم :وااو:
الحين شرح لخصائص التدوينه الوحده :احم: < لاتشرحين مره ثانيه :خخخ:

خاصيه Reply :

هالخاصيه مب على اي حال تظهر للي يتابعوننا إلا إذا كان الريبلي لـ شخص مسوين لهم فولوينق ..

مثال : ورودك مسويه لي ريبلي يطلع لسويت بس ماتطلع لعبود .. لأن سويت مسويه فولوينق لنا كلنا :خخخ: بس عبود ماسوا إلا لورودك :خخخ:
< كيف الشرح والامثله بس :ترجيم: ؟

مثال ثاني:
عبود مسوي فولو لعطعط ونابستر
أي سوالف وردود بينهم تطلع عند عبود في الهوم

طيب هل معنى هالكلام إنه ما أحد يشوف هالردود إلا اللي متابعين عطعط ومابستر؟؟
الإجابة لا..
لأن عطعط مو مقفلة بروفايلها..وأي شخص يدخل على بروفايلها بيشوف الردود اللي كتبتها لأي شخص
لكن ما بيقدر يشوف رد نابستر لأنه مقفل بروفايله (لاحظوا القفل جنب إسم نابستر)

خاصيه Retweet :

نروح لملفنا الشخصي نلقاها :

الحين اللي مقفلين ملفاتهم .. كيف يعرفون إنه فيه طلب تتبع ؟
من البروفايل على اليسار نلقى هالشي :

نضغط عليه بيطلع لنا من طلب تتبع أو فولوينق :

خاصية القوائم List:

هالخاصية تنفع للناس اللي تحب تقرأ تويتتاتهم بدون ما تتابعهم
بشرط يكون بروفايلهم مفتوح للجميع

مثال:
عبود متابع أعضاء المنتدى وأعضاء أبونواف وناس كثيرين
وصاير عنده زحمة في الهوم من كثر التويتات..كل ما زار الهوم لقى 3 صفحات مليانه تويتات جديدة
وهو من النوع اللي مايبي يفوته شيء أبد :خ:

عشان كذا راح وصلح لست أو قائمة جديدة سماها (شعر)

وبكذا كل ما زار بروفايل شاعر
أضافة للقائمة

وكل ما حب يقرأ شعر
يروح للقائمة الموجودة في صفحة Home
على اليمين

-

بكذا انتهينا من شرح أغلب الاشياء :احم: أتمنى الشرح مفهوم وجميل :خخخ:
+ اللي مافهم أو عنده سؤال يحط ايده عند خشمه ويقول استاذه بهدوء :ترجيم:

قفله /
اشياء اعجبتني في التويتر :
ابن قيّم الجوزيه / علي الطنطاوي / مصطفى صادق الرافعي / الغزالي
الشاعر : خالد الفيصل / احمد مطر / الشاعر بدر بن عبدالمحسن / الكاتب : محمد الرطيان / اقتباسات عربيه / قبس

تويتر للايفون - تويتر للبلاك بيري


كان معكم من منتدى التجارب : عبود & نورة :ايحم: :ورده: