| | |
03-07-2009, 02:27 AM
| رقم المشاركة : 1 | |
| 
~{ عريكه ..من يدين نبوعه :$ ~السلام عليكم ورحمة الله وبركاته~ ~{ مدخل يإ قلب وين تروح عني معاهم يا قلب مالك بالمقفين مربوح تعلن على العصيان وتتبع خطاهم ما كنهم قبل امس خلوك مذبوح أقبل نهاية حبهم في عزاهم منتا بأول قلب تدميه الجروح ****** والله وخلصنا اختبارات والحمد لله نجحت بكل المواد  لكن سهير وما ادراك ما سهير حسبي الله عليها خسفت بالمعدل ..الله لا يوفقها  الله لا يوفق كل فرعون وفرعونيه ظالمين خبيثين  <<مابعد بردت خاطرها  المهم ادعو عليها الله يخليكم :: ايه صح اخواني كل ابوهم اليوم سافرو لأمريكا واثنين منهم بيرجعون قبل المدارس باسبوع واخوي الكبير بيقعد هناك عشان دراسته هناك ..والله اني بشتاق لهم ما اتصور الاجازه بدونهم .. تخيلو اجازه بدون اخوانكم  قهر مافي من يوديني ويجيبني  <<هذا اهم شيء  الله يوفقهم وييسر لهم بيروحون ياخذون كورسات انجليزي ..الله يوصلهم بالسلامه يارب  يا حبي لهم <<توها تحس بقيمتهم :: طبعا لي فتره طويله مادخلت المطبخ  <<من رمضان الماضي ما تعرف طريق المطبخ ولي يومين اشوف صوره دخلت في راسي وقلت لازم لازم لازم اسويها شوفو معي   ما اشتهيتونها ؟ المهم  تعالو شوفو وشلون صرت سنعه وسويت مثلها امي وابوي صارو كذا >>  << وانا خشتي صارت كذا >><<<تدرون اسهل منها مافي مررا سهله .. ولذييييذه ومفيده :يمي: طبعا هي أكله شعبيه معروفه اسمها {العريكه} ****** نبدأ بسم الله ^_^ المقادير 6كاسات دقيق اسمر ملعقة طعام ملح ماء صاج دائري<<بتشوفونه بالصور  الطريقه 1-نحط الدقيق والملح ونصب عليها الماي حتى نحس ان العجينه صارت مهيب سايله مررا ولا متماسكه مررا يعني ثقيله شوي مثل القشطه تقريبا في ثقلها او اثقل شوي بس لا يصير فيها كتل كثير <<عاد ان مافهمتو قولو لي  2-بعد ما نخلط مقادير العجينه نروح للصاج وندهنه بشوي زيت ^_^   3- ناخذ العجينه ونصبها عالصاج ثم نخليها حتى تتحمر شوي من تحت ونقلبها ثم نصب فوقها طبقه ثانيه طبعا الطبقه الثانيه بنصبها فوق الجهه اللي قدها متحمره شوي ونسوي نفس الشيء حتى تتحمر من تحت ونقلبها ونحط طبقه ثالثه من العجين وهكذا حتى يخلص العجين اللي عندنا ^_^ والصور توضح لكم وشلون         4- بعد ما نخلص وتنضج العجينه ..نسوي فيها مثل الصورتين الجايه^_^ {نسفطها}<<مثل الثياب   5- نحط العجينه بكيس لأنها بتكون حاره وما بنقدر نعجنها كذا ونقفل الكيس ..ونلبس قفازات حقة المطبخ اللي ضد الحراره ونعجنها ^_^    4- نحط العريكه بصحن محفور ونحفرها من الوسط ونحط السمن البلدي والعسل بالحفره .. وبعدها ذوقو الطعم تاكلون اصابعكم وراها    بالهناء والعافيه عليكم ان شاء الله تعجبكم وتحوز على رضاكم من قلب الحدث {نبوعه } <<فاتحه القدس وكل الحقوق محفوظه لنبوعه  وهـ بس تعبت ..فتوكو بعافيه  مخرج}~ انا معك يا قلب عاشق صباهم تبكي عيوني دم والصوت مفحوح يا قلب روح اليوم واسكن حماهم مسموح في ذا اليوم مسموح يا قلب وين تروح عني معاهم يا قلب مالك في المقفين مربوح التعديل الأخير تم بواسطة النبع الخجول ; 03-07-2009 الساعة 02:34 AM. | |
 |
|
03-07-2009, 02:58 AM
| رقم المشاركة : 2 | |
|
رد: ~{ عريكه ..من يدين نبوعه :$
:: يا حركات يا سنعه انتي ..انزين انا ما فهمت هذا خبز ولاّ شو بالضبط يعني؟ ..وتسلم دياااتك ..وربي يرجع اخوانج بسلامه يا رب ..:: | |
| |
|
03-07-2009, 03:09 AM
| رقم المشاركة : 3 | |||
|
|
رد: ~{ عريكه ..من يدين نبوعه :$ اقتباس:
:: هو مثل الخبز اللي بالصاج بس هذا ناخذه ونعجنه ثم نحفره من الوسط ونحط بوسطه سمن وعسل و تاكلينه طبعا الناس يقطعونها بيدينهم ويغمسون بالعسل ثم ياكلونها .. بس انا اكلها بالشوكه او الملعقه .. امي تقول ليتك مكمله سناعتك وماكله مثل خلق الله واختي الصغيره .. تقول يؤ انتي يااي ما تبين توسخين نفسك يا بابا <<فشلتني هالبزر  :: الله يسلم عمرك يالغلا اقتباس:
آمين يارب | |||
| |
|
03-07-2009, 03:36 AM
| رقم المشاركة : 4 | |
|
رد: ~{ عريكه ..من يدين نبوعه :$
اكشششششخ ياحركات وعريكه  يا اني ما احب هاالشي حمدللله عالنعمه بس وياحياتي احس بيتكم بيصير مهجور وانتي واخواتك بس  << تقلب المواجيع  بصير اجي عندكم كل يوم اونسك وش رايك بس  اعوضك فقدة اخوانك << الله يحفظهم ويرجعهم بالسلامه وتسلم لنا هالديات يارب  | |
| |
|
03-07-2009, 03:44 AM
| رقم المشاركة : 5 | |||||
|
|
رد: ~{ عريكه ..من يدين نبوعه :$ اقتباس:
اقتباس:
 لا موب مهجور الا قولي مسكون .. خواتي تعرفينهم مبزره وفوضى وصداع راس << اقتباس:
تعالي خلي عمي يجيبك والا عبود .. ونفلها مانخلي مكان ما نروح له تصدقين الفكره دخلت راسي شكلي بدق على خالتو بكرا واقول لها ارسلي سومي لنا اقتباس:
الله يسلم عمرك قلبو | |||||
| |
|
03-07-2009, 06:54 AM
| رقم المشاركة : 6 | |
|
رد: ~{ عريكه ..من يدين نبوعه :$
العريكه شي صراحه .. اكلتها تقريبا مرتين .. كانوا جيرانا غمّد .. ويعطونا من العريكه بس من يوم نقلوا ماكلناها  شرايك ترسلين لنا  يعطيك العافيه  | |
| |
|
03-07-2009, 07:05 AM
| رقم المشاركة : 7 | ||
|
|
رد: ~{ عريكه ..من يدين نبوعه :$ اقتباس:
اللي اعرفه ان حتى العتبان وبعد اهل عسير يعرفون العريكه  :: تيب عطنا عنوان البريد ونرسلها الله يعافيك فهد لاهنت عالتواجد | ||
| |
|
03-07-2009, 09:19 AM
| رقم المشاركة : 8 | |
|
رد: ~{ عريكه ..من يدين نبوعه :$
. ماشاء الله عليك .. اشتهيت أجي أقلب معك اللي ع الصاجة . بس حركاااات أول مرره أدري إنها كذا تتصلح ..عاد تصدقين دايماً أسمع بالعريكه ولا عمري ذقتها .. ومن صورك كذا إشتهيتها  تسلم لنا هالسناعة نبوعة  ..والله يخلي لك أخوانك وكل أحبابك ..
| |
| |
|
03-07-2009, 10:53 AM
| رقم المشاركة : 9 | ||
|
رد: ~{ عريكه ..من يدين نبوعه :$ وعليكم السلآم ورحمة الله ~ حركآآآت والله يآقمر من إسمهآ أحس إنهآ شي هيبه ، وإنك مسويه شي عظيم ههههههههه ، تسلم الأيآدي يآرب .. اقتباس:
وأبشرك .. "بعييد الشر" بتقعد هالمآده غصغوصه بقلبك لفتره ..بس الله يسآمحهآ ويعوضك خير إن شآء الله  ..أهم شي طولي بآلك ولآيضيق صدرك | ||
| |
|
03-07-2009, 01:34 PM
| رقم المشاركة : 10 | |
|
رد: ~{ عريكه ..من يدين نبوعه :$
ماشااء الله علييكي احسها صعبه .. احس كل الاكل الشعبي صعب .. مو زي الحلى اتذكر العريكة اكلناها اظن من مطعم او مكان شعبي ... عاد الذ شي العسل والسممن تسسسلم يد نبوعه | |
| |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ~*رحلة نبوعه الى الرياض*~ | النبع الخجول | سواح | 22 | 29-06-2008 09:27 PM |
تحدث مع الإداره مباشرة عبر الماسنجر عند وجود اقتراح , طلب إعلان , طلب تفعيل عضوية , شكوى , استفسار , مشاكل تواجهك في حالة كانت الصورة
خضراء
اللون
قروب - صور - فيديو - العاب - بلوتوث - فلاش - صوت - منوعات - ملفات
 |  |  |  |
