| | |
07-08-2008, 06:55 AM
| رقم المشاركة : 1 | |
| 
سكين الشرف سكين الشرف  الساعه تشير للحادية عشر مساء .. كان خالد مستعجلاَ بأمره كثيراُ ولم يكن لديه الوقت حتى ليجب على اسألة امه التي كانت تقول له (( تبي تتأخر ياوليدي؟؟)) خرج خالد وهو في كامل كشخته واناقته وعند احد الاسواق توقف واتصل على نوف حبيبته خالد : الوو حياتي وينك؟؟ نوف: انا بالسوق الحين انت واقف وين؟؟ خالد : انا اللي سيارتي لكزس لونها اسود قدام محل الجولات نوف : ثواني وانا بكون عندك ركبت نوف مع خالد وقابلها بكل ود وحب وكانت طايرة من الفرحى لأنها جالسة جنب حبيبها... بعد دقائق صمت بالسيارة اغلق المسجل خالد وامسك بيد نوف بهدووء خالد: انا مسوي لك مفاجأة ياعمري ومن امس وانا ادعي ان هالمفاجأة تعجبك نوف: والله مفاجأة انا اموووت بالمفاجأت يالله بسرعه وريني خالد : لالا فهمتيني غلط المفاجأة اكبر من كذا يعني ماقدر اجيبها هنا لك نوف: اجل كيف ابي اشوفها ؟؟ خالد : انا حاط هالمفاجأة ببيتنا هو قريب من هنا نوف: خالد .... انا قلت لك مابي انزل من السيارة لو ماني واثقه منك ماطلعت معك وانت عارفني زين خالد : يابنت الحلال لاتسوي من الحبة قبة ... لايروح تفكيرك بعيد بعدين البيت حقنا فيه اهلي يعني بس بندخل الملحق واوريك المفاجأة ونطلع على طول.. بعدين أي ثقه اللي تتكلمي عنها لو تثقي فيني ماكان خفتي كل هالخوف بس شكلي غلطت يوم توقعت انك تثقي فيني مثل ما انا اثق فيك . سكتت نوف شوي وقالت بصوت واطي : اوكي ياقلبي مشكلتي ماقدر ارد لك طلب وصل خالد ونوف للبيت واستغربت نوف من ان البيت الي جابه له ماهو نفس اوصاف بيت خالد اللي دايم يقولها عنه مافيه شجرة عند الباب البيت قديم اللون غير اللون اللي قايلها عنه.... نوف: خالد انت متأكد جايبنا لبيتكم؟ خالد : ايه يابنت الحلال بيتنا .... انزلي انتي الحين شوفي جارنا قام يطالع فينا لاتخليه يشك فينا ويزعجنا نزلت نوف وهي تكاد تمشي من الخوف ويدها ترجف دخلت نوف الشقه ... نوف: خالد ترا انا احبك... و واثقة فيك..خالد انتبه تفكر تسوي لي شي .. وين اللي وعدتني فيه.. ماقلت لي ماراح ننزل من السيارة.. خالد : يابنت الحلال ليه خايفه انتي؟؟ ادخلي نشوف المفاجأة.. نوف: هذا احنا دخلنا يالله وين المفاجأة بسرعه ابي ارجع بيتنا خالد :زين افصخي عباتك بس الين اجيب المفاجأة لك باشوف شنوو لابسه فصخت العباية نوف وراح خالد دخل المطبخ وطلع منه نوف: خالد وين المفاجأة؟؟ خالد: الى الان ماهديتي؟؟ زين المفاجاه بادخل الغرفه واجيبها لك اشربي انتي العصير الين اجي وقفت نوف قدام العصير قالت بقلبها (( ماراح اشربه اخاف يكون حاط لي شي فيه واجلس اتوهق بعمري.... لالا مستحيل يسويها خالد هو يحبني ويمووت فيني ومستحيل يفكر يسوي أي شي يزعلني ولو يبي كان سواها بالقوه انا عنده بالبيت الحين)) وهي تفكر فتح خالد الباب ومن الخوف شربت العصير بسرعه خالد : ايش رايك؟؟ نوف: وااااااااااااااو ايش هالزين وش هالذووووق خالد : تستحق المفاجأة اني اجيبك هنا ولالا؟؟ نوف: تبي جد تستحق وتستسحق خالد: زين خلاص باخليه هنا اذا طلعتي خذيه معك نوف: اوكي يالله مشينا خالد : طيب ارقصي بس رقصه وحده نوف : ههههههههههههههههه ميت على الرقص انت (( بدا مفعول العصير يشتغل لووول)) خالد : رقصه وحده بس قامت نوف ترقص وترقص وخااشه جوو ولا هي داريه باللي حوليها قام خالد وشغل كاميرا الفيديو اللي كان حاطها ورا الكنبه وجاء يرقص معها الين داخت عليه  ثاني يوم الصبح صحى خالد من نومه وكان مستاانس مررره دق جواله يناظر فيه ويشوف انها نوف تتصل قال بقلبه ((هههههههههه توك تصحي على نفسك؟؟)) خالد: الووو نعم؟؟ نوف: ياكلب ياحقيرليه كل هذا وش انا مسويه فيك؟؟ حرااااااااام عليك والله حرااااااااااااااام ماسويت لك شي حبيتك واعطيتك روحي امانهة معك وخنتني خالد : الي ماتحافظ على نفسها لازم يجي واحد يلعب فيها وبعدين انتي خنتي اهلك يعني بالله تبي تقنعيني انه ماراح يجي يوم وتخونيني؟؟ .. وبعدين انتي طالعه مع ولد وبكامل زينتك وش تبيني اسوي معك؟؟ نأكل فشار ولا نلعب بلاستيشن؟؟ نوف: اتفوووووو عليك ياحقير خالد : اسمعي اليوم بامرك باخذك جهزي نفسك نوف: تخسي ولو اشوفك متصل علي يالحقير ياويلك خالد : شكلك مادريتي اني مسجل كل اللي صار بيننا امس بالفيديو هههههههههههههههه سكتت نوف ومن الصدمه سقطت على الارض بعد مرور اسبوع اتصلت نوف على خالد وهي تبكي نوف: خالد الله يخليك انا مساااامحتك عن اللي سويته معي مع ان غلطتك ماتنغفر وراح اعاني منها طوول عمري بس تكفى لاتفضحنى تكفى خالد ابوي ماله ذنب باللي انا اسويه اخواني واخواتي مالهم ذنب مالهم ذنب ان عندهم اخت باعت نفسها برخيص خالد تكفى كسر الشريط اللي عندك وخلينا ننهي علاقتنا وانا خلاص باتوب ... خالد : اسمعي انا ماراح اكسر الشريط... باعطيه لك وانتي سوي اللي تبي فيه نوف: خلاص حطه لي بمحل وانا اجي اخذه خالد : ههههههههههه لا ياحلوه انتي تجي نفس مكان الشقة اللي صورتك فيه تجي وتاخذ الشريط نوف: طيب طيب الساعه 9 بكون هناك الساعه 9 بالليل نوف: هذا انا جيت لك ياخالد عطني الشريط وخلني اروح وانا مسامحتك باللي سويته فيني وربي مسامحتك بس تكفى عطني الشريط وخليني اروح خالد : طيب بس موو على طول باعطيك خلينا نستاانس شوي بعدين يصير خير بعد ساعات قليله خرجت نوف من الشقه وهي تبكي ومعها شريط فضيحتها ... وهي بالسياره اتصل عليها خالد نوف: نعم؟؟ خالد : نسيت اقول لك يانوف ترا فلمك السينمائي ناسخ منه 20 نسخه ههههههههههههههه كل مره تجيني فيها باعطيك نسخه اوكي ياحلوه سكرا السماعه نوف وهي تصيح بصوت عالي (( ياحقيررررررررررررررر ياكلب يااارب يفضحك يارب اشوف فيك يووم ياحقيرر)) وجلست تصيح تحولت حياة نوف من حياة مليئة بالسعادة والمرح الى حياة اشبه بالكابوس الذي تحاول ان تستيقظ منه ولكن بدون أي جدوى ... بعد مرور ثلاث سنوات خلال الثلاث سنوات كان خالد يماطل نوف كثيرا ووصل فيه الامر بأنه يصطحبها معه عند اصدقائه .. مع مرور الوقت لم تكن نوف تشعر بأنها تمشي بطريق مظلم لن يوصلها الا للهاوية ولكن هذا الشي ليس بإختيار نوف انما قرار اجباري نتيجة تصرفاتها الخاطئه من البداية ... في احدى الايام جاءت ريم لنوف وهي بنت جيرانهم واستغربت الحال التي وصلت فيها نوف ... سالتها بهدوء (( نوف وش صاير فيك؟؟ تغير حالك عن اول كثير هالسؤال ودي اسأله من زمان بس انتي عارفه الظروف اللي كنت انا امر فيها ... نوف انتي تغيرتي وطلعاتك كثرت كثيرر اول ماكنتي تطلعي بدوني او بدون اخواتك الحين تطلعي لوحدك وماتبي احد معك .. نوف فيه شي صاير؟؟)) سكتت نوف ولكنها بداخلها تبي تتكلم ولكن الخوف من الفضيحه والشماته يجعلها تسكت ... ريم : انتي ماتثقي فيني؟؟ والله ماراح يطلع هالكلام مني ابدا انتي قولي يمكن اقدر اساعدك ؟؟ نوف : ماتوقع تقدري تساعديني والله ماتوقع ريم : صدقيني يانوف مافيه مشكله بالدنيا ذي الا ولها حل بس انتي قولي وخلينا نفكر.. ترى اهلك واهلي وكل الناس شايفين انك متغيره .. قامت تبكي نووف بصوت عالي وقالت القصه لريم .. تفأجات ريم من سيناريو القصه فلم تتوقع انها ستواجه مثل هذي القصه في حياتها اليوميه كانت تعتقد انها فقط في المسلسلات وبالروايات القصصيه .. ريم : وساكته كل هالفتره يانوف ؟؟ ساكته وخلتيه يلعب فيك على راحته ؟؟ لم تتوقف نوف عن البكاء وبنفس الوقت كانت تبكي ريم على حال صديقتها .. ريم : انا عندي حل .. هو ماهو حل زين بس راح يخليك تطلعي من هالمشكله .. نوف : قوووووولي تكفيييين قووولي ريم : انا عندي صديقي اكلمه هو ولد حلووو يأخذ العقل ويحبني ويمووت فيني بس مشكلته الولد مادي يعني كل شوي يطلب مني فلوس فا انا اقدر اطلب منه شي يخليك ترتاحي من هالمشكله كلها .. نوف : وش تبي تطلبي منه؟؟ يذبح خالد؟ ريم : وين حنا يابنت الحلال بامريكا؟؟ نوف: اجل وش بتسوي فهميني؟؟ ريم : شوفي انتي تعرفي اخت خالد صح؟؟ كانت تدرس معك يعني نقدر نوصل لها ونعرف وين تروح وين تجي .. وبنفس الوقت نخلي صديقي فيصل يحاول يرقمها اذا رقمها وكلمها نأخذ منها شي نقدر نهدد فيه خالد وبكذا هو بيسكت وانتي بعد تسكتي لانه اكيد مايبي فضيحة اخته نوف تمسح دموعها والله انك جبتيها وانا اصلا وربي نفسي اذله مثل ماذلني كل هالفتره ريم : اسمحي لي يانوف هو ماذلك انتي ذليتي نفسك بنفسك .. وبكل صدق يانوف اقولها لك انتي خنتي اهلك شلون تبي احد يصونك؟؟ نوف : اقول عاد لاتزوديها علي .. واللي يسمعك يقول انتي ماتكلمين الحين ؟؟ ريم : ياشيخه هي طالعه موضة الحين المكالمات بس انا مستحيل اطلع مع احد نوف : صدقيني انا كنت مثلك اقول الين ماضحك علي بكلامه وسوى اللي براسه ريم : لاااا بعد ماسمعت قصتك ياشيخ يرحم علي اكلم احد او اعطي احد وجه .. بالله عليك وش اسوى عند اهل يوم يعرفون اني اخونهم وش راح تكون نظرت صديقاتي وجماعتي . انتهت المقابله واتفقوا على انهم يأخذون حقهم من خالد عن طريق اخته ساره... بعد مرور اربع شهوور حصل فيصل على صورة من ساره عن طريق الماسنجر صوره وهي بلبس شبه عاري وقام باعطاء الصوره لريم مقابل مبلغ مادي ... وصلت الصوره لنوف ومن الفرحه لم تنتظر لحظه حتى قامت بالاتصال بخالد خالد : الوو نعم ؟؟ ماقلت لك لاتتصلي الا اذا انا اتصلت عليك ؟؟ نوف : ههههههه اخيرا جاء الوقت اللي انا اذلك فيه ياحقير خالد : شكلك انهبلتي يابنت من كثر ماذليتك هههههه نوف : اسمع الفلم اللي عندك لو طلع منه مشهد واحد بس .. صور اختك كلها راح تنتشر عدل خالد جلسته وقال بصوت فيه استغراب خالد : اختي؟؟ نوف : ايه اختك ساره ولاتحسب ان ماحد عنده اخوات وماحد يبي الستر وماحد يخاف عليهم غير انت ؟؟ خالد : انتي وش تقولي؟؟ نوف : شوف عندي اكثر من عشر صور لاختك ساره وهي بملابس كلها خليعه وعشان تتأكد فيه عند اختك قميص لونه سماوي رح شوفه ترى متصوره فيه على السرير حقها اللي لونه زهر .. سكت خالد من شدة الموقف لم يتوقع يوم من الايام انه راح يمر بالموقف هذا خالد : اسمعي ياحقيره لاتحسبي انك كذا تهدديني مقطع الفيديو غير الصور انشريها اذا فيك خير بس انا بانشر الفيديو والصور نقدر نقول تركيب عاادي ويمكن ماتنتشر بعد بس الفيديو انتي عارفه بالبلوتوث مافيه اسرع منه ..(( كان يحاول خالد انه يستفزها عشان ترجع وتنذل قدامه وبنفس الوقت يستر على اخته )) نوف : عاادي عادي يعني اروح الحين وانزلها بالنت واخلي الكل يتفرج ويسمتع بمفاتن اختك .. لا وبعد ترى عندي ارقام اغلب زملائك ترى بارسل لكل واحد نسخه وباكتب تحت مين هالمزيونه اللي بالصوره .. خالد : لاااا لاااااااا خلاص انا باكسر الشريط بس ابي هالصور منك نوف : بانسخها عشرين صوره وهالعشرين مع كل يوم انسخها عشرين صوره بعد ... موو هذا كلامه ياخالد؟؟ خالد : اتفوووو عليك ياحقيره سكرت نوف السماعه بوجهه وهي تبكي من كثر الفرح من كثر القهر اللي بداخلها جلس خالد مصدوم من قوة الخبر ومن قوة الموقف لم يتوقع ان كل اللي سواه بالاخير راح يرجع عليه وبالطريقه هذي يعني السكين اللي كان يحارب ويلعب فيها فيها الحين صارت مع عدوه وللاسف كلهم كانوا يحاربون بعض بسكين وحده هي (( سكين الشرف)) خرج خالد من غرفته وكله غضب وكل تفكيره عن الموقف اللي راح يمر فيه لو عرف صديقه فلان وفلان ولو عرف عمه وخاله ولو عرفوا عيال حارته كيف بيطلع قدامهم ؟؟ وهو بلحظه التفكير دخل غرفة ابوه واخذ مسدس وخرج وهو كله غضب وبنفس الوقت فيه ندم ولكن كبريائه مايخليه يعترف بغلطته .. وحتى لو ندم واعترف بغلطتي ايش الفايده ؟؟ خلاص الفأس طاح بالراس .. الحين الحبل اللي كان ملتف حول رقبة نوف هو نفسه ملتف على ساره اخت خالد . توجه خالد لبيت نوف وكان بتفكيره انه يدخل وياخذ الصور من نوف بتهديد السلاح وهو تفكير غبي ولكن الشيطان اعماه اوقف سيارته امام المنزل ووجد اخو نوف الكبير جالس امام المنزل خالد : انت اخو ..... نوف؟؟ احمد اخو نوف: ياحيوان انت مين ؟؟ وكيف تسمح تقول هالكلام؟؟ قام احمد يبي يتضارب مع خالد ولكن لم يتمكن من اكمال نهوضه حتى اطلق خالد الرصاص على احمد ليسقط على الارض ... صاح خالد من ماشاهده امامه فلم يكن يتخيل بيوم من الايام بأنه راح يذبح احد ..وقام يصرخ .. ماقتلته هو هوو انا ماقتلته ... سلم خالد نفسه للشرطه وبعد التحيقيق معه اقر بكل تفاصيل القضيه وقاموا باستدعاء نوف والطلب منها احضار الصور الخاصه باخت خالد وكانت المفاجأه انها لم تكن هناك أي صور خليعه والصور كلها كانت عبارة عن صوره لغرفة ساره وهي موجوده من قبل عند نوف والقميص السماوي هذا كان هديه من فيصل لساره ...وقامت المحكمه باخذ الاشرطه من خالد .. وبعد 7 سنوات سجن وعدم موافقة اهل نوف على التنازل عن دم اخوهم احمد تم القصاص من خالد وهو عن عمر يناهز الثلاثين عاما ... انتهى ,,,>> صراحه سوالف الابتزاز كثرانه هالايام وكل شوي نسمع عن شاب يبتز فتاة وكانها طالعه موضة هالايام يعني قبل فتره قرينا عن شاب جلس ياخذ من بنت مبالغ ماديه حتى وصلت ربع مليون والسبب انها بس كانت مرسله له صورها بالماسنجر ... وقبل اسابيع كانت هناك سالفه مثلها بعد هذا غير المقاطع اللي نشوفه بين فتره وفتره ... والمشكله ان لا البنات راضيات يستوعبون ويتعلمون من دروس غيرهم ولا الشباب راضين يتعلمون من اللي يحصل للشباب بعد هالامور .. يعني نهاية البنت بعد دخولها للعالم هذا اكيد النهايه الذل اذا ماكانت الفضيحه ...مافيه بنت تطلع من هالطريق رافعه راسها .. والولد يخسر اشياء كثيره السمعه والثقه لانه لما يدخل هالعالم مستحيل يثق بأحد لانه هو نفسه موو واثق بنفسه لانه جالس يخون ... او تكون نهايته مثل اغلب القصص السجن . قصه كتبتها من وحي خيالي ولكن انا متأكد انه حصل مثلها او قريب منها لان كل علاقة خطأ وعلى طريق غير طريق الدين اكيد بتكون نهايتها خطأ اكبر ويكون الندم هو سيد الموقف ... وسوالي اللي دايم اطرحه على نفسي بعد قرائتي اي قصة او خبر يخص هذي المواضيع هل من متعظ ؟؟ دمتم بود ومحبه والله يدوم علينا الستر والعافيه ... كتبت بواسطه اخوكم : فاهمها صح | |
 |
|
07-08-2008, 07:16 PM
| رقم المشاركة : 2 | |
|
|
رد: سكين الشرف مـــــــــــــــــــــــــــــــــــــــــ ش ــــــــــــــــــــــــــــــــــــــــــكور خيووو على القصه لاكن لسى ماااقريتها عشاان اعلق عليهااا  | |
| |
|
08-08-2008, 10:12 PM
| رقم المشاركة : 3 | |
|
رد: سكين الشرف قصه حلوة واهدفها احلى كثرت هالنوع من القصص عوافي لا خلا ولا عدم  | |
| |
|
09-08-2008, 12:00 AM
| رقم المشاركة : 4 | |
|
رد: سكين الشرف
الله يسلم يدينك والله يعطيك العافيه ومن جد العالم محتاج لمثل هذي القصص يسلموووو | |
| |
|
09-08-2008, 11:34 AM
| رقم المشاركة : 5 | |
|
رد: سكين الشرف
القصة حلوة لكن مره بنفس الوقت يعني هو فعلا زي ماقلت طالعه موضة الابتزاز لكن كلا الطرفين مخطي البنت لما تسلم نفسها والولد لما ينس ان كما تدين تدان القصة صحيح بسيطة وقصيرة بس وصلت الهدف  يعطيك الف عافية وبانتظار القصص القادمة | |
| |
|
09-08-2008, 07:09 PM
| رقم المشاركة : 7 | ||
|
|
رد: سكين الشرف عندي تعليق ثاني بعد اذنكم يعني  اقتباس:
يا أحمد وين عايشين فيه ؟ سألك جاوبه افرض انه اخو صديقتك اختك ؟ يعني يمكن يكون جايب لها اغراض من صديقتها ؟ يمكن بردة فعلك هذي هو كان السبب انه يعصب ويطلق النار عليك ههههههه والله ما ادري ليه علقت هالتعليق بس يعني ما قدرت امشيها  عوافي مرة ثانيه | ||
| |
|
10-08-2008, 12:07 AM
| رقم المشاركة : 8 | ||
|
|
رد: سكين الشرف اقتباس:
| ||
| |
|
10-08-2008, 12:08 AM
| رقم المشاركة : 9 | ||
|
|
رد: سكين الشرف اقتباس:
| ||
| |
|
10-08-2008, 12:10 AM
| رقم المشاركة : 10 | ||
|
|
رد: سكين الشرف اقتباس:
شكرا مره ثانيه اخوي على المرور والتعقيب | ||
| |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| |
تحدث مع الإداره مباشرة عبر الماسنجر عند وجود اقتراح , طلب إعلان , طلب تفعيل عضوية , شكوى , استفسار , مشاكل تواجهك في حالة كانت الصورة
خضراء
اللون
قروب - صور - فيديو - العاب - بلوتوث - فلاش - صوت - منوعات - ملفات
 |  |  |  |
